Главная » 2013 » Iyul » 25 » O'ZBEKISTONDA JORIY YILNING 6 OYIDA QANCHA MASHINA ISHLAB CHIQARILGANINI BILASIZMI?
12:07
O'ZBEKISTONDA JORIY YILNING 6 OYIDA QANCHA MASHINA ISHLAB CHIQARILGANINI BILASIZMI?
Joriy yilning birinchi yarmida respublika mashinasozlik korxonalari tomonidan 5219,8 milliard so‘mlik mahsulot ishlab chiqarildi. Bu o‘tgan yilning tegishli davriga nisbatan 23% ga ko‘p demakdir. Bu haqda Davlat statistika qo‘mitasi xabar beradi. Joriy yilning yanvar-iyunida o‘tgan yil ko‘rsatkichlarining 11,3% ga o‘sishiga erishilgan holda, 122 615 dona avtomobil ishlab chiqarildi, shu jumladan yuk tashish avtomobillari ishlab chiqarish 72,2% ga, maxsus avtomobillar – 30,8% ga, yengil avtomobillar (maxsus avtomobillarsiz) ishlab chiqarish 10,7% ga o‘sdi. Shuningdek, avtomobil dvigatellari (8,3%) va akkumlyatorlar (4,1%) ishlab chiqarish hajmi ham oshdi. Yanvar-iyun oylarida, elektrotexnika mahsulotlarini ishlab chiqarish hajmi sezilarli darajada o‘sdi, jumladan, kontaktli izolyatsiyalanmagan simlar (trolleyli) ishlab chiqarish – 2,4 martaga, shahar telefon aloqasi kabellari – 2,1 martaga, ogohlantirish- himoya kabellari – 1,9 martaga, qobiqli simlar – 35,4% ga, maishiy o‘tkazgichlar – 17,5% ga, o‘rnatiluvchi o‘tkazgichlar ishlab chiqarish – 16,3% ga oshdi. Shu bilan birga, o‘tgan yilning tegishli davriga nisbatan iste’mol tovarlarining quyidagi turlari, ya’ni energiya tejamli lampalar ishlab chiqarish 39,9% ga, televizorlar ishlab chiqarish 36,5% ga o‘sdi.
