Главная » 2014 » Iyun » 15 » Шаҳзода Уильям машҳурлик борасида Британия қироличасидан ўзиб кетди
22:34
Шаҳзода Уильям машҳурлик борасида Британия қироличасидан ўзиб кетди
Кембриж герцоги, шаҳзода Уильям ўз бувиси – Буюк Британиянинг 88 ёшли қироличаси Елизавета Иккинчидан кўра машҳурроқ бўлиб чиқди. Бу ҳақда The Independent нашри хабар бермоқда.
ComRes социологик тадқиқотлар хизмати томонидан Буюк Британия аҳолиси ўртасида ўтказилган сўровномада шаҳзода Уильям 68 фоиз, унинг отаси – шаҳзода Чарльз эса 43 фоиз, қиролича Елизавета эса 63 фоиз овоз олган.
Қайд этишларича, уларнинг учаласи ҳам Британиянинг қолган барча сиёсатчиларидан кўра машҳурроқ бўлиб чиқишган.
Қироллик оиласини британиялик сиёсатчилар орасида энг юқори рейтингга эга бўлган Лондон мэри Борис Жонсон ҳам ортда қолдира олмаган.
Жонсондан кейинги ўринларни Буюк Британия бош вазири Дэвид Кэмерон ва ташқи ишлар вазири Уильям Хейг эгаллаб турибди.
Сўров натижаларига кўра, ҳозирги вақтда лейбористлар партиясининг обрўси ҳукумат тепасида турган консерваторларникидан кўра юқорироқдир.