Ортиқча вазндан қутилиш нафақат саломатлик учун фойдали, балки даромадли бўлиши ҳам мумкин экан. Бирлашган Араб Амирликлари пойтахти аҳолиси семизликка қарши курашиш баробарида мўмайгина пул ишлаб олиш ҳам мумкин. Шу йилнинг 19 илидан бошлаб Дубай ҳокимияти ташаббуси билан ортиқча вазндан халос бўлганларни тақдирлаш акцияси бошланади. Унга кўра акция рўйхатидан ўтган фуқароларга ҳар бир йўқотилган килограмм учун бир грамм тилла берилади. "Сенинг вазнинг - олтин” акцияси Рамазон ойида мобайнида бир ой давом этади. "Мукофот"га эга бўлиш учун камида икки килограмм озиш керак, юқори чегара эса белгиланмаган. Дастур ниҳоясига етгунча энг кўп килограмм ташлаган уч нафар одам 5,5 минг АҚШ доллар миқдорида пул мукофотига эга бўладилар. Дастурда иштирок этишнинг асосий шарти табиий йўл билан "соғлом” вазн йўқотиш, яъни тўғри овқатланиш ва спорт машқлари билан шуғулланишдир. Косметологик тадбирлар, жарроҳлик амалиётлари қатъиян маън этилади. Таъкидлаш жоизки, ортиқча вазн Араб Амирликлари аҳолиси учун жиддий муаммо ҳисобланади. Тахминан 70% маҳаллий аҳоли носоғлом семизликдан азият чекади. Бунда эса фастфуд таомларини айблашади: араб ошхонасининг хилма-хиллигига қарамай Дубайда ҳам фастфуд жуда машҳур. Шу сабабли хукумат одамларни соғлом хаётга ундашга қарор қилишди. Танловнинг бежизга Рамазон ойида бошланмаяпти, сабаби рўза тутаётган мусулмон аҳли одатла ифтор ва саҳарлик пайти кўп еб юборадилар, бу эса турли касалликлар ҳуруж қилишига, ортиқча вазн тўпланишига олиб келади.
